عندما يصبح الحزن لذة

من طرف **Admin** السبت نوفمبر 28, 2009 8:04 am

عندما يصبح الحزن لذة نسترجعها وقت الفرح
عندما نخلق من التجربة خيمة حكمة نجلس بداخلها لنفلسف حياتنا الموجودة في الخارج
. نتحول إلى قلوب مرهفة تستشيرها أي ذكرى وتبكيها أي فكرة
، قلوب تخشى الانكسار بعد الانكسار الأول فتبقى في خيامها
حتى يأتي بدوي غريب ليصلح أوتادها

مش عارف ليه مكتئب وماليش نفس لاي حاجه في الدنيا وحاسس اني بقيت سيكوباتي - زياده لأني اصلا سيكوباتي - يعني النهارده كان مشروع التخرج بتاع اعز اصحابي وما رحتهوش جايز من كتر الفراغ اللي انا فيه الواحد كان لاقي حاجه يتلهي فيها مع كاس العالم كل يوم تنزل علي القهوه تشوف الماتش و ترجع البيت الساعه اتنين ولا تلاته الصبح وتتقلب تنام وهكذا دلوقت الواحد هايعمل ايه ماليش نفس اكتب ولا اقرا ولا حتي العب عالكومبيوتر كل الايام شبهه بعض الفرق الوحيد صلاه الجمعه عشان بصليها في جامع بعيد مش اللي تحت البيت حتي العيال اللي كنت معاهم ليل نهار كلهم اشتغلوا ومشغولين في شغلهم وادي اخر واحد اهه مشروع تخرجه النهارده مفيش غيري اللي صايع كل ما اكلم حد يقولي هلكان مش فاضي ورايا شغل الصبح حاسس اني لوحدي حتي البيت كل واحد قاعد لوحده مالوش دعوه بالتاني وكل ما اقول ربنا يهديني وانزل اشتغل مع بابا اقول قعدت البيت اهون من العذاب اللي هيعذبهولي اول ما انزل معاه الشغل يقولي روح ودي دى وهات دى وسفر هنا وهناك ومشاوير...قلت الاكتئاب ارحم واهو بتعايش معاه وزي الفل جايز تضرب معايا وابقي زي الكتاب المشاهير اللي كانوا معقدين وقاعدين فى البيوت
.....................................بسئل نفسى وياريت كل واحد جواة يسئل نفسة اية الحل نطلع من النكد دة ازاى
وياريت لو حد عرف حاجة او حل يقولة عشان نعمل زى ونقدر نتكيف مع الواقع الاليم اللى عايشينة فى اخر الزمان

من طرف ??? السبت نوفمبر 28, 2009 11:33 am

عزيزى كاتب عندما يصبح الحزن لذة
عمر الحزن ما كان لذة
الحزن حالة بنعشها لفقد عزيز أو ضياع حلم أو خسران صديق وحالة الحزن بتاخد وقتها وممكن يبقى ليها آثارها جوة القلب لكن بتستمر الحياة وربنا انعم علينا بنعمة النسيان
الحزن حالة بنوقع فيها غصب عننا مش بإيرادتنا
مفيش حد يحب يعيش الحزن ويقول بلاقي فيه لذة إحنا رينا ماخلاقناش عشان يعذبنا ولو إحنا استسلمنا لكل حزن هنمر بيه كدة هنبقي بنجلد النفس على شئ قدر عليها
الاستسلام للحزن ضعف وعمر المشاكل ما هتتحل بالاتكال مفيش فانوس سحرى بمجرد ضغطة عليه هتحقق كل الأحلام لازم نسعى ونتعب ونقاوم
أنت إنسان قوى أوعى تستسلم للحزن وتقول فيه لذة
قاوم واستعن بالله هتلاقى الحياة حلوة قدام عنيك بس أنت مش شايفها
وأوعى تقول مفيش فايدة طول ما جواك إيمان بالله هتنتصر على كل أحزانك
لا تيأس من رحمة الله

من طرف ??? السبت نوفمبر 28, 2009 11:51 am

دعاء هز السماء
ياودود ياودود ياذا العرش المجيد يامبدىء يامعيد يافعالا لما يريد أسألك بنور وجهك الذي ملئ أركان عرشك وأسألك بقدرتك التي قدرت بها على جميع خلقك وأسالك برحمتك التي وسعت كل شيء لا إله إلا أنت يا مغيث أغثني

من قالها ثلاث مرات استجاب له الله

من طرف **Admin** السبت نوفمبر 28, 2009 6:56 pm

شكراااااااااااااااااااااااااااااااااااااااااااااااااااااااااااااااااااااااااااااااااااااااااااااا على مساهمتكم الجميلة
لكنى هنا اضع متنفسا لمن ضاقت نفسة
لكى يفضفض عما تجيش بة نفسة من هواجس
لينفض عن نفسة الغبار
ويبدا من حياة جديدة مليئة بالامل
فلا ياس مع الحياة ولا حياة مع الياس

عندما يصبح الحزن لذة

عندما يصبح الحزن لذة

عمر الحزن ماكان لذة

رد: عندما يصبح الحزن لذة

رد: عندما يصبح الحزن لذة